ثناء عملي في الفتره المسائيه باليوم الثالث كنت كعادتي اليوميه اجفف الصحون ثم اضعها في المطعم امام الزوار الاجانب بالخارج , وعند عودتي للمنطقه الخلفيه بالمطبخ فجأه ناداني مستر طارق المسئول عن اداره المطعم , وعندما ينادي مستر طارق احدا فلا يكون القصد خيرا ابدا , وضع يده علي كتفي ثم بنبره هادئه
- محمد !
- نعم
- انت بكره هتروح ع البيتش .. ده اخر يوم ليك معانا ف المطعم
- ( بتعجب ) وده حاجه حلوه ولا وحشه ؟
- لا طبعا حاجه حلوه .. ده اريح ليك واحنا هنا عاوزين راحتك
- انا ؟؟!
- ايوه انت . باين عليك ابن ناس
وانصرف بعيدا الي عمله .. وبسرعه البرق توجهت لصديقي منصور لأزف له هذا الخبر السعيد فما كان منه الا ان علق بكل برود
- انت يابني مش قولت مش عاوز تشيل خمور ؟
- ايوه طبعا
- طب مالبيتش ده انت هتشيل اكتر من 300 ازازه بيره يوميا
- نعم ؟!
- روح بقي بلغ مستر محمود اللي مسئول عننا انك مش هتروح ولا انت رجعت ف كلامك ؟
توجهت بسرعه اكبر من سرعه البرق الي مستر محمود , كان يلقي بطعام متبقي في صندوق القمامه علي بعد ثلاثه امتار من محل عملي
- يامستر محمود , انا مش هروح البيتش اصل كله خمره
- ( ضاحكا ) خمره مين يابني انت , انت هتمسح اطباق وهتقف علي مكنه البيبسي بس ملكش دعوه بالخمور
عدت الي منصور ثانيه وبنبره هادئه اخري قولت له مبتسما - انا هقف علي مكنه البيبسي وما ادراك ما مكنه البيبسي
فرفع حاجبه الايمن وترك ما في يده وقال ببرود للمره الثانيه
- اه يابن الكلب يامحظوظ !!
ناوي ع النجاح بأذن الله